Stutt yfirlit.
- Nýja platan, All Is Love and Pain in the Mouse Parade, inniheldur 13 lög og tók þrjú ár í vinnslu.
- Þetta er fyrsta breiðskífa hljómsveitarinnar í sex ár.
- Evróputúr hefst í febrúar 2026 þar sem tónlistarkonan Árný Margrét mun hita upp fyrir sveitarina.
Of Monsters and Men sendi nýverið frá sér sína fjórðu breiðskífu, All Is Love and Pain in the Mouse Parade. Platan, sem kom út um miðjan október, er fyrsta breiðskífa sveitarinnar í heil sex ár og hefur biðin því verið mörgum aðdáendum löng.
Þrjú ár í hljóðveri.
Nýja platan inniheldur 13 ný lög. Að sögn hljómsveitarinnar tók vinnslan á plötunni um þrjú ár og fór hún fram í hljóðveri þeirra hér á Íslandi. Nanna Bryndís Hilmarsdóttir hefur lýst plötunni sem „músa-skrúðgöngu“ (e. Mouse Parade) tilfinninga, þar sem gleði og sorg vegast á.
Tónleikaferðalag framundan.
Hljómsveitin hefur haft í nógu að snúast síðan platan kom út. Þau luku nýverið við tónleikaferðalag um Norður-Ameríku í nóvember en nú tekur við kærkomin jólafrí.
Í febrúar 2026 verður þráðurinn tekinn upp að nýju þegar „The Mouse Parade Tour“ heldur til Evrópu. Ferðalagið hefst í Dublin á Írlandi þann 11. febrúar og því næst liggur leiðin til Bretlands. Í mars mun sveitin spila á meginlandi Evrópu, meðal annars í París, Berlín og Köln, áður en endapunkturinn verður settur á Norðurlöndunum með tónleikum í Osló, Stokkhólmi og Kaupmannahöfn um miðjan mars.
Með í för verður tónlistarkonan Árný Margrét sem hitar upp fyrir sveitina. Á myndinni er hún að spila á Þjóðlagahátíð í Winnipeg árið 2023.
Mynd: Wikipedia
